في ناس يفكرون في بعض الاحيان لما يشوفون قطوة كيوت ويقولون ((لو كنت انا قطوة بتكون الحياة حلوة))

بس المشكلة انه اذا كان قطوة كيوت بيكون في وحدة من الحالتين... يا مشرد يا مربى..

اذا كان مشرد بيلاقي له شوية اولاد يلعبون في حسبته او تدوسه سيارة.. او يقضي عليه قطو عتوي

واذا كان مربى يمكن يحصل شوية دلع من اللي قاعدة تربيه بس اخوها الصغير ما بيخله في حاله... لازم بيسوي له شي وآخرتها يلاقي نفسه عند البيطري ((بيودع))

وفي ناس يفكرون ان الارنب كيوت.. فيقولون ((لو كنت ارنب كيوت كنت بلاقي رعاية جيدة))

لكن للأسف.. اذا كان ارنب كيوت ممكن يروح ضحية للثعلب او يقنصه قناص... واذا كان مربى في بيت يمكن ينتهي به المصير انه يكون ((مولوخية بالارانب)

وفي ناس يقولون ((الغزال حلو.. لو كنت غزال الكل بيتغزل فيني))

بس الغزال ممكن يلاقي له صياد يصيده ويشويه وياكله..

واذا كان مربى عند ناس ممكن انه يشرد وتدعمه سيارة :)

وفي ناس يقولون(( لا البقرة احسن.. البقرة ترعى وتنام... لو كنت بقرة كنت بعيش في رخاء))

بس البقرة بتكون لها حالتين.. يا داخل البيت... يا برع البيت..

اذا كانت داخل البيت بيذبحونها وبيوزعون لحمها عالجيران

واذا كانت برع البيت بتلاقي لها وانيت يدعمها

للأسف.. الدنيا قاسية... لكن رحمة الله واسعة

خلاصة الكلام... اني ما عندي سالفة.. بس حبيت اجرب اكتب مذكرة ههههههه

تحياتي لكم